Монгол Улсын Ерөнхийлөгчийн сонгууль ирэх сард буюу 06 дугаар сарын 09-ний өдөр зохион байгуулагдана. Үүнтэй холбоотойгоор Монгол Улсын Ерөнхийлөгчийн сонгуулийн тухай хуулийг хэрэгжүүлэх ажлын хүрээнд Улсын бүртгэлийн байгууллагын албан хаагчдад сонгуулийн тухай хууль тогтоомжийг таниулах, зөвлөмж чиглэл өгөх, итгэмжлэгдсэн ажилтнуудтай гэрээ байгуулахад анхаарах асуудлаар 21 аймаг, 9 дүүрэг дэх Улсын бүртгэлийн хэлтэстэй өнөөдөр /2021.05.10/ цахимаар холбогдож сургалт зохион байгууллаа.
.jpg)
Сургалтаар Монгол Улсын Ерөнхийлөгчийн сонгуулийн бэлтгэл ажил төлөвлөгөөний дагуу хэвийн явагдаж буйг дурдаад, нэгжүүд чиг үүргийнхээ дагуу үйл ажиллагааны хэрэгжилтэд анхаарч, онцгой нөхцөл байдал үүссэн энэ цаг үед халдвар хамгааллын дэглэмээ чандлан сахиж ажиллахыг дахин сануулав.
Түүнчлэн “Монгол Улсын Ерөнхийлөгчийн сонгуулийн тухай хууль” болон “Монгол Улсын Ерөнхийлөгчийн сонгуулийн сонгогчдын нэрийн жагсаалт үйлдэх, танилцуулах, хүргүүлэх, сонгогч шилжих журам”, “Итгэмжлэгдсэн ажилтантай гэрээ байгуулах, Төрийн албан хаагчийн ёс зүйн асуудал”, “Төрийн болон албаны нууцын хадгалалт хамгаалалт, мэдээллийн сангийн аюулгүй байдлыг хангах” сэдвүүдийн хүрээнд холбогдох албан тушаалтнууд тус тус дэлгэрэнгүй мэдээлэл хүргэсэн бөгөөд илтгэгчдээс сонирхсон асуултандаа тодруулга мэдээллийг авч, санал солилцсоноор өнөөдрийн сургалт өндөрлөлөө.
УБЕГ-ын Хамтын ажиллагаа, сургалтын хэлтэс