.jpg)
Иргэний шилжилт хөдөлгөөнийг 2021 оны 06 дугаар сарын 12-ны өдрөөс эхлэн сэргээх тухай Улсын бүртгэлийн ерөнхий газрын даргын А/344 тоот тушаал батлагдан гарлаа.
Монгол Улсын Ерөнхийлөгчийн сонгуулийн тухай хуулийн 25.1 дэх хэсэгт “Иргэний шилжилт хөдөлгөөнийг санал авах өдрөөс 60 хоногийн өмнө зогсоож, энэ хуулийн 72.2-т заасны дагуу сонгуулийн дүнг нийтэд мэдээлсний дараах өдрөөс сэргээнэ” гэж, 25.2 дахь хэсэгт “Энэ хуулийн 25.1-д заасан иргэний шилжилт хөдөлгөөнийг зогсоох, сэргээх тухай шийдвэрийг улсын бүртгэлийн асуудал эрхэлсэн төрийн захиргааны байгууллагын дарга гаргана” хэмээн тус тус заасны дагуу ийнхүү иргэний шилжилт хөдөлгөөний бүртгэлийг өнөөдрөөс /2021.06.12/ сэргээлээ.
Иргэний шилжилт хөдөлгөөниий бүртгэлийг сэргээхтэй холбогдуулан орон нутаг дахь Улсын бүртгэлийн газар, хэлтэст чиглэл өгч ажиллахыг мөн иргэний улсын бүртгэлийн мэдээллийн санд шилжилт хөдөлгөөний бүртгэл хөтлөх улсын бүртгэгчийн эрхийг нээхийг холбогдох албаны хүмүүст үүрэг болгов.
УБЕГ-ын Хамтын ажиллагаа, сургалтын хэлтэс