Монгол Улсын Ерөнхий сайдын ивээл дор жил бүр зохион байгуулдаг “Монгол Улсын иргэний андгай өргөх ёслол”-ын үйл ажиллагааг "ОЮУТАН, ЗАЛУУЧУУДЫН АНХДУГААР ЧУУЛГАН"-ы үеэр ёслол төгөлдөр зохион байгууллаа.
Монгол Улсын хэмжээнд 16 настай 44,331 иргэн байгаа юм.
Ёслолын арга хэмжээнд 16 нас хүрч иргэний үнэмлэхээ авч буй өсвөр үеийн төлөөлөл залуус Монгол Улсын иргэний андгайгаа өргөлөө.
“Иргэний андгай өргөх” ёслолын үйл ажиллагааг Улсын бүртгэлийн хэлтсийн дэмжлэгтэйгээр аймгийн Залуучуудын холбоотой хамтран зохион байгууллаа.
Ийнхүү 16 нас хүрч иргэний үнэмлэх авч байгаа өсвөр үеийн залуучуудыг “Иргэний Андгай” өргүүлэх нь түүх, соёлоо дээдэлсэн, эх оронч үзэлтэй, үүрэг хариуцлагаа ухамсарласан иргэн болгон төлөвшүүлэхэд чиглэсэн юм.
Андгай өргөсөн нийт сурагчиддаа сурлагын амжилт хүсье ээ
Дорнод аймгийн Гэр бүл хүүхэд залуучуудын хөгжлийн газар