“НУУЦАЛЪЯ-PRIVATE” НӨЛӨӨЛЛИЙН АЯНД НЭГДЭЖ БАЙНА
Цагдаагийн байгууллага, Нэгдсэн Үндэсний байгууллагын Хүүхдийн сан хамтран цахим орчинд үйлдэгдэж буй хүүхдийн эсрэг гэмт хэрэг, зөрчлөөс урьдчилан сэргийлэх, хамгаалах,иргэдийн эрх зүйн мэдлэгийг дээшлүүлэх, мэдээллийн технологийн зохистой хэрэглээг бий болгох, зорилготой “Нууцалъя-Private” нөлөөллийн аяныг эхлүүлжээ.
Тус аян 09 сарын 15-ны өдрөөс 12-р сарын 25-ны өдөр хүртэл нийт 3 сарын хугацаанд улс орон даяар зохион байгуулагдаж байна.
хүүхдийн эсрэг гэмт хэрэг, зөрчлөөс урьдчилан сэргийлэхийн тулд
-Эцэг эх, асран хамгаалагчид хүүхэдтэйгээ цахим харилцааны тухайд нээлттэй ярилцах
-Хувийн мэдээлэл нууц байвал аюулгүй
-Зохисгүй сэтгэгдэл бусдын зураг, нийтлэлд үлдээхгүй байх
-Танихгүй хүний найзын хүсэлтийг авахгүй байх
-Хувийн мэдээллээ дэлгэрэнгүй байршуулахгүй байхад анхааруулах шаардлагатай байна.
Хүүхдүүд ээ, #Private #FriendsOnly тохиргоог хийж, хувийн мэдээллээ хамгаалаарай.
#НУУЦАЛЪЯ
