"МОНГОЛ УЛСЫН ИРГЭНИЙ АНДГАЙ" ӨРГӨХ ЁСЛОЛЫН АРГА ХЭМЖЭЭ

"МОНГОЛ УЛСЫН ИРГЭНИЙ АНДГАЙ" ӨРГӨХ ЁСЛОЛЫН АРГА ХЭМЖЭЭГ ЗОХИОН БАЙГУУЛЛАА

Монгол улс түүхэндээ анх удаа Үндсэн хуультай болж, Бүрэн эрхт улсаа тунхагласан өдрийг тохиолдуулан Монгол Улсын иргэний андгай өргөх ёслолын арга хэмжээг зохион байгууллаа.

Энэхүү арга хэмжээг аймгийн Засаг даргын Тамгын газар, Гэр бүл, хүүхэд, залуучуудын хөгжлийн газар, Боловсрол шинжлэх ухааны газар, Улсын бүртгэлийн хэлтэс, аймгийн Залуучуудын холбоотой хамтран зохион байгуулж, 16 нас хүрсэн 45 өсвөр үе, залуучууд "Монгол улсын иргэний Андгай"өргөлөө.

Ийнхүү 16 нас хүрч буй өсвөр үеийн залуучуудыг “Иргэний Андгай” өргүүлэх нь түүх, соёлоо дээдэлсэн, эх оронч үзэлтэй, үүрэг хариуцлагаа ухамсарласан иргэн болгон төлөвшүүлэхэд чиглэдэг юм.

Аймгийн хэмжээнд 16-17 насны 2476 өсвөр үе, залуучууд байгаагаас 1142 нь иргэний үнэмлэхээ авсан байна.

Монгол Улсын иргэний үнэмлэх Батламж гардан авсан нийт сурагчиддаа аз жаргал, сайн сайхан бүхнийг хүсэн ерөөе!