Хуульчийн нийтэд тустай үйл ажиллагаа үзүүлэх өдөр Монголын хуульчдын холбоо нийгмийн хариуцлагын хүрээнд жил бүрийн 05 дугаар сарын 01-ний өдрийг 2019 оноос “Хуульчийн Про Боно өдөр” (хуульчийн нийтэд тустай үйл ажиллагаа үзүүлэх өдөр) болгон тэмдэглэж ирсэн бөгөөд уг арга хэмжээнд төрийн байгууллагууд болон салбар холбоод идэвхтэй оролцдог ба энэ жилийн хувьд НУТГИЙН УДИРДЛАГЫН ОРДНЫ 1 ДҮГЭЭР ДАВХАРТ 2025 оны 05 дугаар сарын 01-ний өдрийн 10:00-17:00 цагийн хооронд тус арга хэмжээг зохион байгуулна.
Тус өдөр аймгийн Шүүхийн тамгын газар, Прокурорын газар, Монгол Улсын Хүний эрхийн үндэсний комисс, Цагдаагийн газар, Шүүхийн шийдвэр гүйцэтгэх газар, Гадаадын иргэн харъяатын зүүн бүс дэх газар, Улсын бүртгэлийн хэлтэс, Архивын хэлтэс, Хууль зүйн туслалцааны төв, Өмгөөлөгчдийн холбооны салбар, Нотариатчдын танхимын салбар байгууллагууд оролцоно.
Иймд иргэд олон нийт та бүхнийг хууль, эрх зүйн анхан шатны зөвлөгөө өгөх, төрийн байгууллагын зарим үйлчилгээг үнэ төлбөргүй үзүүлэх, иргэдийн гомдол мэдээллийг хүлээн авах үйл ажиллагаанд урьж байна.
